RTR Radiotelevisiun Svizra Rumantscha

Radiotelevisiun Svizra Rumantscha (RTR) porscha in program da radio rumantsch cun infurmaziuns actualas ed infurmaziuns da basa, emissiuns da servetsch e da divertiment, sco era cun musica da tut las spartas ed en spezial da la scena da musica grischuna.Dapi il 1938 è renconuschì il rumantsch sco quarta lingua naziunala e dapi l'onn 1996 sco lingua parzialmain uffiziala da la Confederaziun. Oz chapeschan en Svizra passa 100'000 persunas rumantsch, per 40'000 èsi la lingua materna. Betg tuts na vivan dentant en il chantun Grischun. Grazia a la Radiotelevisiun Svizra Rumantscha (RTR) vegnan provedidas las Rumantschas ed ils Rumantschs en tut la Svizra cun actualitads, e quai cun las differentas emissiuns.